na intizaar karo in kaa ai azaa-daaro — Sabir Zafar

duur tak ek khalaa hai so khalaa ke andar
sirf tanhaai ki surat hi nazar aaegi

— Sabir Zafar

us se bichhaD ke ek usi kaa haal nahin main jaan sakaa
vaise khabar to har pal mujh tak duniyaa bhar ki aati rahi

— Sabir Zafar

ham itnaa chaahte the ek dusre ko 'zafar'
main us ki aur vo meri misaal ho ke rahaa

— Sabir Zafar

apni yaadein us se vaapas maang kar
main ne apne-aap ko yakjaa kiyaa

— Sabir Zafar

main aise jamghaTe mein kho gayaa huun
jahaan mere sivaa koi nahin hai

— Sabir Zafar

har shakhs bichhaD chukaa hai mujh se
kyaa jaaniye kis ko DhunDhtaa huun

— Sabir Zafar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

— Alam Khursheed

phir baiThe baiThe vaada-e-vasl us ne kar liyaa
phir uTh khaDaa huaa vahi rog intizaar kaa

— Ameer Minai

jaan-sapaari daagh katthaa chunaa hai chashm-e-intizaar
vaaste mehmaan gham ke dil hai biiDaa paan kaa

— Siraj Aurangabadi