uThaa hi laayaa sabhi raaste vo kaandhon par — Sadiq

kaaT aagaahiyon ki fasl magar
zehan mein kuchh nae savaal ugaa

— Sadiq

gumaan na thaa ki lifaafe mein khat ke badle vo
lahu-luhaan taDapti zabaan rakh degaa

— Sadiq

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

— Sadiq

fursat ho to ye jism bhi miTTi mein dabaa do
lo phir main zamaan aur makaan se nikal aayaa

— Sadiq

apne gale pe chalti chhuri kaa bhi dhyaan rakh
vo tez hai yaa kund zaraa dhaar dekh le

— Sadiq

is ghumti zamin kaa mehvar hi toD do
be-kaar gardishon pe khafaa ho rahe huun kyuun

— Sadiq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

bahut ummid thi manzil pe jaa kar chain paaeinge
magar manzil pe jab pahunche to nazm-e-kaarvaan badlaa

— Salam Sandelvi

tamaam shahr mein aisaa nahin khulus na ho
jahaan umiid ho is ki vahaan nahin miltaa

— Nida Fazli

idhar to tuul diyaa hai umiid ko us ne
udhar hayaat ataa ki hai mukhtasar mujh ko

— Kaifi Chirayyakoti

nahin nahin main bahut khush rahaa huun tere baghair
yaqin kar ki ye haalat abhi abhi hui hai

— Irfan Sattar