main chaahat ek aise moD par laane kaa qaail huun — Sagar Huzoor Puri

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

— Muztar Khairabadi

is judaai mein tum andar se bikhar jaaoge
kisi maazur ko dekhoge to yaad aaungaa

— Wasi Shah

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

firaaq-e-khuld se gandum hai sina-chaak ab tak
ilaahi ho na vatan se koi gharib judaa

— Mohammad Rafi Sauda

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

— Raghvendra Dwivedi