dulhan bani hui hain raahein — Sahir Ludhianvi

hazaar barq gire laakh aandhiyaan uTThein
vo phuul khil ke raheinge jo khilne vaale hain

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

har-chand miri quvvat-e-guftaar hai mahbus
khaamosh magar tab-e-khud-aaraa nahin hoti

yunhi dil ne chaahaa thaa ronaa-rulaanaa
tiri yaad to ban gai ik bahaanaa

jamhuriyat-navaaz bashar-dost amn-khvaah
khud ko jo khud diye the vo alqaab kyaa hue

ham amn chaahte hain magar zulm ke khilaaf
gar jang laazmi hai to phir jang hi sahi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ham mein baaqi nahin ab khaalid-e-jaan-baaz kaa rang
dil pe ghaalib hai faqat hafiz-e-shiraaz kaa rang

dil ki taklif kam nahin karte
ab koi shikva ham nahin karte

ashk Dhalte nahin dekhe jaate
dil pighalte nahin dekhe jaate

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa