mayassar khud nigah-daari ki aasaaish nahin rahti — Saima Esma

kabhi kabhi to achchhaa-khaasaa chalte chalte
yuun lagtaa hai aage rasta koi nahin hai

— Saima Esma

na-jaane kaisi nigaahon se maut ne dekhaa
hui hai niind se bedaar zindagi ki main huun

— Saima Esma

jaane phir munh mein zabaan rakhne kaa masraf kyaa hai
jo kahaa chaahte hain vo to nahin kah sakte

— Saima Esma

aisaa kyaa andher machaa hai mere zakhm nahin bharte
log to paara paara ho kar juD jaate hain lamhe mein

— Saima Esma

naqsh jab zakhm banaa zakhm bhi naasur huaa
jaa ke tab koi masihaai pe majbur huaa

— Saima Esma

aaj sochaa hai ki khud raste banaanaa siikh luun
is tarah to umr saari sochti rah jaaungi

— Saima Esma

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

husn jalva dikhaa gayaa apnaa
ishq baiThaa rahaa udaas kahin

— Saifuddin Saif