hamesha duur ke jalve fareb dete hain — Salam Sandelvi

bahut ummid thi manzil pe jaa kar chain paaeinge
magar manzil pe jab pahunche to nazm-e-kaarvaan badlaa

— Salam Sandelvi

shabnam ne ro ke ji zaraa halkaa to kar liyaa
gham us kaa puchhiye jo na aansu bahaa sake

— Salam Sandelvi

khushi ke phuul khile the tumhaare saath kabhi
phir is ke baa'd na aayaa bahaar kaa mausam

— Salam Sandelvi

kaTegi kaise gul-e-nau ki zindagi yaa-rab
ki is gharib kaa khaanon mein ghar abhi se hai

— Salam Sandelvi

sau baar aai honTon pe jhuTi hansi magar
ik baar bhi na dil se kabhi muskuraa sake

— Salam Sandelvi

tira-o-taar fazaaon mein jiyaa huun ab tak
nikhat-o-nur ke ayyaam ki hasrat hi rahi

— Salam Sandelvi

kuchh to majburiyaan rahi hongi
yuun koi bevafaa nahin hotaa

— Bashir Badr

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

yaar main itnaa bhukaa huun
dhokaa bhi khaa letaa huun

— Aks Samastipuri

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

hamein bhi aa paDaa hai doston se kaam kuchh yaani
hamaare doston ke bevafaa hone kaa vaqt aayaa

— Hari Chand Akhtar