der tak jaagte rahne kaa sabab yaad aayaa — Sarfaraz Khalid

kisi ne jaan hi luTaa di vafaaon ki khaatir
tum hi bataao ki qissa ye kis kitaab kaa hai

— Sarfaraz Khalid

lambi hai bahut aaj ki shab jaagne vaalo
aur yaad mujhe koi kahaani bhi nahin hai

— Sarfaraz Khalid

vo bhi na aayaa umr-e-guzishta ke misl hi
ham bhi khaDe rahe dar-o-divaar ki tarah

— Sarfaraz Khalid

tiri duaaein bhi shaamil hain koshishon mein miri
musibaton kaa na Talnaa ajiib lagtaa hai

— Sarfaraz Khalid

siyaah raat ke pahlu mein jism ke andar
kisi gunaah ki khvaahish ko paalte rahnaa

— Sarfaraz Khalid

ham kisi aur vaqt ke hain asiir
subh ke shaam ke rahe hi nahin

— Sarfaraz Khalid

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

— Sadiq

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai

— Zafar Iqbal