main haath baandhe hue lauT aai huun ghar mein — Shabana Yousaf

abhi se chhoTi hui jaa rahi hain divaarein
abhi to beTi zaraa si miri baDi hui hai

— Shabana Yousaf

mujh ko bhi kar degaa rusvaa vo zamaane bhar mein
khud bhi ho jaaegaa badnaam yahi lagtaa hai

— Shabana Yousaf

ik yahi soch bichhaDne nahin deti tujh se
ham tujhe baad mein phir yaad na aane lag jaaein

— Shabana Yousaf

khud charaaghon ko andheron ki zarurat hai bahut
raushni ho to unhein log bujhaane lag jaaein

— Shabana Yousaf

mere aane ki khabar sun ke vo dauDaa aataa
us ko pahunchaa nahin paighaam yahi lagtaa hai

— Shabana Yousaf

agar bichhaDne kaa us se koi malaal nahin
'shabaanaa' ashk se phir aankh kyuun bhari hui hai

— Shabana Yousaf

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

chal su-e-gor-e-garibaan ai haris-e-maal-o-zar
dekh kitni aarzuein nazr-e-madfan ho gaiin

— Auj Lakhnavi

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib