tire hi naam ki simran hai mujh ko aur tasbih — Shah Naseer

juun mauj haath maariye kyaa bahr-e-ishq mein
saahil 'nasir' duur hai aur dam nahin rahaa

— Shah Naseer

aataa hai to aa vaada-faraamosh vagarna
har roz kaa ye lait-o-laal jaae to achchhaa

— Shah Naseer

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

— Shah Naseer

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

— Shah Naseer

sar-bulandi ko yahaan dil ne na chaahaa munim
varna ye khema-e-aflaak puraanaa kyaa thaa

— Shah Naseer

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

— Shah Naseer

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

suraj chaDhaa to phir bhi vahi log zad mein the
shab bhar jo intizaar-e-sahar dekhte rahe

— Mohsin Bhopali