jo motiyon ki talab ne kabhi udaas kiyaa — Shakeb Jalali

dil saa anmol ratan kaun kharidegaa 'shakeb'
jab bikegaa to ye be-daam hi bik jaaegaa

— Shakeb Jalali

rote hain dil ke zakhm to hanstaa nahin koi
itnaa to faaeda mujhe tanhaaiyon se hai

— Shakeb Jalali

khud apni aag se shaayad gudaaz ho jaaein
paraai aag se kab sang-dil pighalte hain

— Shakeb Jalali

ham-safar rah gae bahut pichhe
aao kuchh der ko Thahar jaaein

— Shakeb Jalali

jaati hai dhuup ujle paron ko sameT ke
zakhmon ko ab ginungaa main bistar pe leT ke

— Shakeb Jalali

aalam mein jis ki dhuum thi us shaahkaar par
dimak ne jo likhe kabhi vo tabsire bhi dekh

— Shakeb Jalali

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi