is qadar Dar hai maut kaa us ko — Shakir Dehlvi

siyaah aankhon ki rangat ki ik jhalak ke liye
tiri talaash mein surma-farosh rahte hain

— Shakir Dehlvi

shukr kiije ki maut hai varna
zindagi se hamein bachaataa kaun

— Shakir Dehlvi

hamaare ghar mein ye tahzib ab bhi zinda hai
buzurg bolein to bachche khamosh rahte hain

— Shakir Dehlvi

ho bhaTakne kaa jise shauq mire saath chale
jo ho manzil kaa talabgaar palaT jaae abhi

— Shakir Dehlvi

ham se mil kar dekhiye achchhaa lagegaa aap ko
aadmiyyat ke abhi tak an-chhue pahlu hain ham

— Shakir Dehlvi

tum se Takraae to huaa maa'lum
haadse khushnumaa bhi hote hain

— Shakir Dehlvi

kam-umri mein sunet hain
mar jaate hain achchhe log

— Malikzada Javed

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal