bujh gai maathe ki ek ek shikan — Sharar Fatehpuri

kuchh na hone kaa gumaan thaa phir bhi
kuchh to hone ko huaa thaa kyaa thaa

— Sharar Fatehpuri

us sitam pesha kaa eajaaz-e-sitam hi hogaa
dast-e-qaatil ko agar dast-e-masihaa likkhun

— Sharar Fatehpuri

maslahat thi koi vo chup the agar
bolne vaale to khul kar bolte

— Sharar Fatehpuri

un se 'sharar' kuchh aise bichhDe
jivan kaa har sapnaa bikhraa

— Sharar Fatehpuri

mere hi khuun mein nahlaa ke 'sharar'
vo salibon pe sajaa degaa mujhe

— Sharar Fatehpuri

be-hisi vo hai ki is daur mein jiine kaa mazaa
na gunaahon mein rahaa aur na savaabon mein rahaa

— Sharar Fatehpuri

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir