baDe vasuq se duniyaa fareb deti rahi — Shaukat Wasti

ajiib baat hai din bhar ke ehtimaam ke baad
charaagh ek bhi raushan huaa na shaam ke baad

— Shaukat Wasti

'shaukat' hamaare saath baDaa haadisa huaa
ham rah gae hamaaraa zamaana chalaa gayaa

— Shaukat Wasti

ravish ravish pe chaman ke bujhe bujhe manzar
ye kah rahe hain yahaan se bahaar guzri hai

— Shaukat Wasti

mujhe to ranj qabaa-haa-e-taar-taar kaa hai
khizaan se baDh ke gulon par sitam bahaar kaa hai

— Shaukat Wasti

yaar main itnaa bhukaa huun
dhokaa bhi khaa letaa huun

— Aks Samastipuri

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

ik bevafaa ke pyaar mein had se guzar gae
kaafir ke pyaar ne hamein kaafir banaa diyaa

— Bashir Mehtaab