ik faqat yaad hai jaanaa un kaa — Sufi Ghulam Mustafa Tabassum

jaane kis ki thi khataa yaad nahin
ham hue kaise judaa yaad nahin

— Sufi Ghulam Mustafa Tabassum

main tohfa le ke aayaa huun tamannaaon ke phulon kaa
luTaane ko bahaar-e-zindagaani le ke aayaa huun

— Sufi Ghulam Mustafa Tabassum

dilon kaa zikr hi kyaa hai milein milein na milein
nazar milaao nazar se nazar ki baat karo

— Sufi Ghulam Mustafa Tabassum

sau baar chaman mahkaa sau baar bahaar aai
duniyaa ki vahi raunaq dil ki vahi tanhaai

— Sufi Ghulam Mustafa Tabassum

is aalam-e-viraan mein kyaa anjuman-aaraai
do roz ki mahfil hai ik umr ki tanhaai

— Sufi Ghulam Mustafa Tabassum

kaun kis kaa gham khaae kaun kis ko bahlaae
teri be-kasi tanhaa mary bebasi tanhaa

— Sufi Ghulam Mustafa Tabassum

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

— Momin Khan Momin

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

— Shaikh Zahuruddin Hatim