hamein to yaad nahin koi lamha-e-ishrat — Syed Basit Hussain Mahir Lakhnavi

dekh kar kaali ghaTaa ahl-e-qafas
aur kyaa karte taDap kar rah gae

— Syed Basit Hussain Mahir Lakhnavi

phirti hai to phir jaae badalti hai to badle
duniyaa ki nazar hai miri qismat to nahin hai

— Syed Basit Hussain Mahir Lakhnavi

tark-e-ulfat se mohabbat kaa likhaa miT na sakaa
vahi afsurdagi-e-shaam-o-sahar aaj bhi hai

— Syed Basit Hussain Mahir Lakhnavi

kamar baandho muqaddar ke sahaare baiThne vaalo
shikast-e-razm se raahon kaa pech-o-kham na badlegaa

— Syed Basit Hussain Mahir Lakhnavi

dil ki har baat kah gae aansu
gir ke aankhon se rah gae aansu

— Syed Basit Hussain Mahir Lakhnavi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi

is judaai mein tum andar se bikhar jaaoge
kisi maazur ko dekhoge to yaad aaungaa

— Wasi Shah