jis ghaDi ghurte ho ghussa se — Syed Mohammad Meer Asar

kyaa kahun kis tarah se jiitaa huun
gham ko khaataa huun aansu piitaa huun

— Syed Mohammad Meer Asar

bevafaa kuchh nahin teri taqsir
mujh ko meri vafaa hi raas nahin

— Syed Mohammad Meer Asar

apne nazdik dard-e-dil main kahaa
tere nazdik qissa-khvaani ki

— Syed Mohammad Meer Asar

tu hi behtar hai aaina ham se
ham to itne bhi ru-shanaas nahin

— Syed Mohammad Meer Asar

kaam tujh se abhi to saaqi hai
ki zaraa ham ko hosh baaqi hai

— Syed Mohammad Meer Asar

kin ne kahaa aur se na mil tu
par ham se bhi kabhu milaa kar

— Syed Mohammad Meer Asar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri