ye jo hain ahl-e-riyaa aaj faqiron ke biich — Taban Abdul Hai

havaa bhi ishq ki lagne na detaa main use hargiz
agar is dil pe hotaa haae kuchh bhi ikhtiyaar apnaa

— Taban Abdul Hai

buraa na maaniyo main puchhtaa huun ai zaalim
ki be-kason ke sataae se kuchh bhalaa bhi hai

— Taban Abdul Hai

aataa nahin vo yaar-e-sitamgar to kyaa huaa
koi gham to us kaa dil se hamaare judaa nahin

— Taban Abdul Hai

aaine ko tiri surat se na ho kyuun kar hairat
dar o divaar tujhe dekh ke hairaan hai aaj

— Taban Abdul Hai

imaan o diin se 'taabaan' kuchh kaam nahin hai ham ko
saaqi ho aur mai ho duniyaa ho aur ham hon

— Taban Abdul Hai

le meri khabar chashm mire yaar ki kyun-kar
bimaar ayaadat kare bimaar ki kyun-kar

— Taban Abdul Hai

aTe hue hain faqiron ke pairahan 'kaifi'
jahaan ne bhiik mein miTTi bikher kar di hai

— Iqbal Kaifi

darvesh nazar aataa thaa har haal mein lekin
'saajid' ne libaas itnaa bhi saada nahin pahnaa

— Iqbal Sajid

sab ne dekhaa aur sab khaamosh the
ek suufi kaa mazaar uDtaa huaa

— Khurshid Talab

sab pe khulne ki hamein hi aarzu shaayad na thi
ek do honge ki ham jin par faqiraana khule

— Ahmad Fareed

aadmi ban ke miraa aadamiyon mein rahnaa
ek alag vaza hai darveshi o sultaani se

— Anwar Shuoor

ai amiri agar hai tujh mein dam
kisi darvesh se ulajh kar dekh

— Naeem Najmi