main jin galiyon mein paiham barsar-e-gardish rahaa huun — Tahseen Firaqi

sath-e-dariyaa kaa ye saffaak sukun hai dhokaa
ye tiri naav kisi vaqt Dubo saktaa hai

— Tahseen Firaqi

mujh saa anjaan kisi moD pe kho saktaa hai
haadsa koi bhi is shahr mein ho saktaa hai

— Tahseen Firaqi

bahaar ab ke jo guzri to phir na aaegi
bichhaDne vaale bichhaDte samay ye kah gae hain

— Tahseen Firaqi

phir us ki yaad ne dastak dil-e-hazin par di
phir aansuon mein nihaan us ke khad-o-khaal hue

— Tahseen Firaqi

main kahaan aur kahaan shaaeri main ne to faqat
majlis-e-sher bapaa ki to tumhaare liye ki

— Tahseen Firaqi

ye tai huaa hai ki sher o adab ke paimaane
hamaare shahr kaa ik yak-fanaa hi tai karegaa

— Tahseen Firaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

phuul kar le nibaah kaanTon se
aadmi hi na aadmi se mile

— Khumar Barabankavi