meri naqlein utaarne lagaa hai — Tahzeeb Hafi

main jis ke saath kai din guzaar aayaa huun
vo mere saath basar raat kyuun nahin kartaa

— Tahzeeb Hafi

teraa chup rahnaa mire zehn mein kyaa baiTh gayaa
itni aavaazein tujhe diin ki galaa baiTh gayaa

— Tahzeeb Hafi

apni masti mein bahtaa dariyaa huun
main kinaara bhi huun bhanvar bhi huun

— Tahzeeb Hafi

daastaan huun main ik tavil magar
tu jo sun le to mukhtasar bhi huun

— Tahzeeb Hafi

vo jis ki chhaanv mein pachchis saal guzre hain
vo peD mujh se koi baat kyuun nahin kartaa

— Tahzeeb Hafi

sahraa se ho ke baagh mein aayaa huun sair ko
haathon mein phuul hain mire paanv mein ret hai

— Tahzeeb Hafi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

— Siraj Aurangabadi

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid