niind aisi ki raat kam paD jaae — Tahzeeb Hafi

main jis ke saath kai din guzaar aayaa huun
vo mere saath basar raat kyuun nahin kartaa

— Tahzeeb Hafi

teraa chup rahnaa mire zehn mein kyaa baiTh gayaa
itni aavaazein tujhe diin ki galaa baiTh gayaa

— Tahzeeb Hafi

apni masti mein bahtaa dariyaa huun
main kinaara bhi huun bhanvar bhi huun

— Tahzeeb Hafi

daastaan huun main ik tavil magar
tu jo sun le to mukhtasar bhi huun

— Tahzeeb Hafi

vo jis ki chhaanv mein pachchis saal guzre hain
vo peD mujh se koi baat kyuun nahin kartaa

— Tahzeeb Hafi

sahraa se ho ke baagh mein aayaa huun sair ko
haathon mein phuul hain mire paanv mein ret hai

— Tahzeeb Hafi

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

— Akhtar Ansari