baad-e-tark-e-aarzu baiThaa huun kaisaa mutmain — Tilok Chand Mahroom

buraa ho ulfat-e-khubaan kaa ham-nashin ham to
shabaab hi mein buraa apnaa haal kar baiThe

— Tilok Chand Mahroom

uThaane ke qaabil hain sab naaz tere
magar ham kahaan naaz uThaane ke qaabil

— Tilok Chand Mahroom

fikr-e-maaash o ishq-e-butaan yaad-e-raftagaan
in mushkilon se ahd-baraai na ho saki

— Tilok Chand Mahroom

ba-zaahir garm hai baazaar-e-ulfat
magar jins-e-vafaa kam ho gai hai

— Tilok Chand Mahroom

talaatum aarzu mein hai na tufaan justuju mein hai
javaani kaa guzar jaanaa hai dariyaa kaa utar jaanaa

— Tilok Chand Mahroom

gadaa nahin hain ki dast-e-savaal phailaaein
kabhi na aap ne puchhaa ki aarzu kyaa hai

— Tilok Chand Mahroom

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

chal su-e-gor-e-garibaan ai haris-e-maal-o-zar
dekh kitni aarzuein nazr-e-madfan ho gaiin

— Auj Lakhnavi

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

— Wafa Naqvi

bin maange mil rahaa ho to khvaahish fuzul hai
suraj se raushni ki guzaarish fuzul hai

— Shahid Zaki