dil ke taalib nazar aate hain hasin har jaanib — Tilok Chand Mahroom

baad-e-tark-e-aarzu baiThaa huun kaisaa mutmain
ho gai aasaan har ik mushkil ba-aasaani miri

— Tilok Chand Mahroom

buraa ho ulfat-e-khubaan kaa ham-nashin ham to
shabaab hi mein buraa apnaa haal kar baiThe

— Tilok Chand Mahroom

uThaane ke qaabil hain sab naaz tere
magar ham kahaan naaz uThaane ke qaabil

— Tilok Chand Mahroom

fikr-e-maaash o ishq-e-butaan yaad-e-raftagaan
in mushkilon se ahd-baraai na ho saki

— Tilok Chand Mahroom

ba-zaahir garm hai baazaar-e-ulfat
magar jins-e-vafaa kam ho gai hai

— Tilok Chand Mahroom

gadaa nahin hain ki dast-e-savaal phailaaein
kabhi na aap ne puchhaa ki aarzu kyaa hai

— Tilok Chand Mahroom

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli