bin tumhaare main ji gayaa ab tak — Unknown

meri taqdir mein manzil nahin hai
ghubaar-e-kaarvaan hai aur main huun

— Unknown

dil TuTne se thoDi si taklif to hui
lekin tamaam umr ko aaraam ho gayaa

— Unknown

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

— Unknown

miri namaaz-e-janaaza paDhi hai ghairon ne
mare the jin ke liye vo rahe vazu karte

— Unknown

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

— Unknown

log kaanTon se bach ke chalte hain
main ne phulon se zakhm khaae hain

— Unknown

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

— Sadiq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tamaam shahr mein aisaa nahin khulus na ho
jahaan umiid ho is ki vahaan nahin miltaa

— Nida Fazli

koshish bhi kar umiid bhi rakh raasta bhi chun
phir is ke baa'd thoDaa muqaddar talaash kar

— Nida Fazli

insaan ki niyyat kaa bharosa nahin koi
milte ho to is baat ko imkaan mein rakhnaa

— Anjum Khaleeq

idhar to tuul diyaa hai umiid ko us ne
udhar hayaat ataa ki hai mukhtasar mujh ko

— Kaifi Chirayyakoti