'arsh' bahaaron mein bhi aayaa ek nazaara patjhaD kaa — Vijay Sharma

dasht ki naa-tamaam raahon par
koi saathi hai to shajar tanhaa

— Vijay Sharma

nayaa nayaa hai so kah lo ise akelaa-pan
phir is maraz ke kai aur naam aaeinge

— Vijay Sharma

nai nahin hai ye tanhaai mere hujre ki
maraz ho koi bhi hai chaaraagar se Dar jaanaa

— Vijay Sharma

ik mohabbat bhare cinema mein
mere marne kaa scene mere khvaab

— Vijay Sharma

main bahut duur se aaya huun ik ummid liye
baiThne mat do magar naam to batlaane do

— Vijay Sharma

ai zindagi kabhi inkaar kaa sabab bhi sun
main thak gayaa huun teri haan mein haan milaate hue

— Vijay Sharma

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz