aaj kal lucknow mein ai 'akhtar' — Wajid Ali Shah Akhtar

turaab-e-paa-e-hasinaan-e-lakhnau hai ye
ye khaaksaar hai 'akhtar' ko naqsh-e-paa kahiye

— Wajid Ali Shah Akhtar

mujhi ko vaaizaa pand-o-nasihat
kabhi us ko bhi samjhaayaa to hotaa

— Wajid Ali Shah Akhtar

dar-o-divaar pe hasrat se nazar karte hain
khush raho ahl-e-vatan ham to safar karte hain

— Wajid Ali Shah Akhtar

be-muravvat ho bevafaa ho tum
apne matlab ke aashnaa ho tum

— Wajid Ali Shah Akhtar

yahi tashvish shab-o-roz hai bangaale mein
lucknow phir kabhi dikhlaae muqaddar meraa

— Wajid Ali Shah Akhtar

ulfat ne tiri ham ko to rakkhaa na kahin kaa
dariyaa kaa na jangal kaa samaa kaa na zamin kaa

— Wajid Ali Shah Akhtar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kuchh aastinon ki majburiyaan bhi hoti hain
khushi se apni bhalaa saanp kaun paaltaa hai

— Meraj Naqvi

nahin nahin main bahut khush rahaa huun tere baghair
yaqin kar ki ye haalat abhi abhi hui hai

— Irfan Sattar

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana

ye zindagi hai apni kabhi khush kabhi udaas
is kashmakash se mujh ko khudaayaa rihaai de

— Zebunnisaa Zaibii

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar