ulfat ne tiri ham ko to rakkhaa na kahin kaa — Wajid Ali Shah Akhtar

turaab-e-paa-e-hasinaan-e-lakhnau hai ye
ye khaaksaar hai 'akhtar' ko naqsh-e-paa kahiye

— Wajid Ali Shah Akhtar

mujhi ko vaaizaa pand-o-nasihat
kabhi us ko bhi samjhaayaa to hotaa

— Wajid Ali Shah Akhtar

dar-o-divaar pe hasrat se nazar karte hain
khush raho ahl-e-vatan ham to safar karte hain

— Wajid Ali Shah Akhtar

be-muravvat ho bevafaa ho tum
apne matlab ke aashnaa ho tum

— Wajid Ali Shah Akhtar

yahi tashvish shab-o-roz hai bangaale mein
lucknow phir kabhi dikhlaae muqaddar meraa

— Wajid Ali Shah Akhtar

kamar dhokaa dahan uqda ghazaal aankhein pari chehra
shikam hiiraa badan khushbu jabin dariyaa zabaan iisaa

— Wajid Ali Shah Akhtar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi