ham rind-e-pareshaan hain maah-e-ramazaan hai — Wazir Ali Saba Lakhnavi

na paDhaa yaar ne ahvaal-e-shikasta meraa
khat ke purze kiye baazu-e-kabutar toDaa

— Wazir Ali Saba Lakhnavi

khaak mein mujh ko milaa ke vo sanam kahtaa hai
apne allaah se jaa kar miri fariyaad karo

— Wazir Ali Saba Lakhnavi

paayaa hai is qadar sukhan-e-sakht ne rivaaj
punjabi baat karte hain pashtu zabaan mein

— Wazir Ali Saba Lakhnavi

kyaa banaayaa hai buton ne mujh ko
naam rakkhaa hai musalmaan meraa

— Wazir Ali Saba Lakhnavi

taair-e-aql ko maazur kahaa zaahid ne
par-e-parvaaz mein tasbih kaa Doraa baandhaa

— Wazir Ali Saba Lakhnavi

tu apne paanv ki mehndi chhuDaa ke de ai mahr
falak ko chaahiye ghaaza rukh-e-qamar ke liye

— Wazir Ali Saba Lakhnavi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi