kaisaa chehra hai raat ki tafsil — Yasmeen Habeeb

ye kamra aur ye gard-o-ghubaar us kaa hai
vo jis ne aanaa nahin intizaar us kaa hai

— Yasmeen Habeeb

jo chalaa gayaa so chalaa gayaa jo hai paas us kaa khayaal rakh
jo luTaa diyaa use bhuul jaa jo bachaa hai us ko sambhaal rakh

— Yasmeen Habeeb

hamein sairaab rakkhaa hai khudaa kaa shukr hai us ne
jahaan banjar zaminein hon anaaein shor karti hain

— Yasmeen Habeeb

aate rahte hain falak se bhi ishaare kuchh na kuchh
baat kar lete hain ham se chaand taare kuchh na kuchh

— Yasmeen Habeeb

jaati thi koi raah akeli kisi jaanib
tanhaa thaa safar mein koi saayaa use kahnaa

— Yasmeen Habeeb

hamein bhi tajraba hai be-ghari kaa chhat na hone kaa
darinde, bijliyaan, kaali ghaTaaein shor karti hain

— Yasmeen Habeeb

kam-umri mein sunet hain
mar jaate hain achchhe log

— Malikzada Javed

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi ke bahut qarib na jaa
faasla kuchh to apne dhyaan mein rakh

— Akmal Imaam