main 'zafar' taa-zindagi biktaa rahaa pardes mein — Zafar Gorakhpuri

apne atvaar mein kitnaa baDaa shaatir hogaa
zindagi tujh se kabhi jis ne shikaayat nahin ki

— Zafar Gorakhpuri

kitni aasaani se mashhur kiyaa hai khud ko
main ne apne se baDe shakhs ko gaali de kar

— Zafar Gorakhpuri

chhat Tapakti thi agarche phir bhi aa jaati thi niind
main nae ghar mein bahut royaa puraane ke liye

— Zafar Gorakhpuri

abhi zinda hain ham par khatm kar le imtihaan saare
hamaare baad koi imtihaan koi nahin degaa

— Zafar Gorakhpuri

meri ik chhoTi si koshish tujh ko paane ke liye
ban gai hai masala saare zamaane ke liye

— Zafar Gorakhpuri

dekhein qarib se bhi to achchhaa dikhaai de
ik aadmi to shahr mein aisaa dikhaai de

— Zafar Gorakhpuri

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar