vo bahut chaalaak hai lekin agar himmat karein — Zafar Iqbal

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal

mujhe kharaab kiyaa us ne haan kiyaa hogaa
usi se puchhiye mujh ko khabar ziyaada nahin

— Zafar Iqbal

tanhaa rahne mein bhi koi uzr nahin hai
lekin us ke saath hi tanhaa rah saktaa huun

— Zafar Iqbal

ik dhuup si tani hui baadal ke aar-paar
ik pyaas hai ruki hui jharne ke baavajud

— Zafar Iqbal

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

'alvi' khvaahish bhi thi baanjh
jazba bhi naa-mard milaa

— Mohammad Alvi

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

— Hasrat Mohani

kuchh log jo savaar hain kaaghaz ki naav par
tohmat taraashte hain havaa ke dabaav par

— Ehsan Danish Kandhlvi

apne hi fan ki aag mein jalte rahe 'shamim'
honTon pe sab ke hausla-afzaai rah gai

— Farooq Shamim

shaa'iri kyaa hai miri jaan tujhe maa'lum nahin
ek tohmat hai jo mujh par bhi lagaa di gai hai

— Haneef Najmi