so rahe the shahr bhi jangal bhi jab — Zafar Tabish

manzar se laa-manzar tak
aankhein khaali khaali hain

— Zafar Tabish

jab bhi jhuk kar miltaa huun main logon se
ho jaataa huun apne qad se unchaa main

— Zafar Tabish

na kaho tum bhi kuchh na ham bolein
aao khaamoshiyon ke lab kholein

— Zafar Tabish

basti basti jangal jangal ghumaa main
lekin apne ghar mein aa kar soyaa main

— Zafar Tabish

ba-zaahir yuun to main simTaa huaa huun
agar socho to phir bikhraa huaa huun

— Zafar Tabish

sirf zafar 'taabish' hain ham
'ghaalib' 'mir' na 'haali' hain

— Zafar Tabish

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

jaise ye mez miTTi kaa haathi ye phuul
ek kone mein ham bhi hain rakkhe hue

— Shariq Kaifi