ye alag baat ki chalte rahe sab se aage — Zakariya Shaz

kuchh bhi dekhaa nahin thaa main ne jab
har nazaara thaa meri aankhon mein

— Zakariya Shaz

ai gardish-e-ayyaam hamein ranj bahut hai
kuchh khvaab the aaise ki bikharne ke nahin the

— Zakariya Shaz

taalluq hi nahin hai jin se meraa
main un khadshaat mein rakkhaa huaa huun

— Zakariya Shaz

dukh na sahne ki sazaaon mein ghiraa rahtaa hai
shahr kaa shahr duaaon mein ghiraa rahtaa hai

— Zakariya Shaz

main chup rahaa to aankh se aansu ubal paDe
jab bolne lagaa miri aavaaz phaT gai

— Zakariya Shaz

jab bhi ghar ke andar dekhne lagtaa huun
khiDki khol ke baahar dekhne lagtaa huun

— Zakariya Shaz

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

— Muztar Khairabadi

is judaai mein tum andar se bikhar jaaoge
kisi maazur ko dekhoge to yaad aaungaa

— Wasi Shah

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

— Raghvendra Dwivedi

firaaq-e-khuld se gandum hai sina-chaak ab tak
ilaahi ho na vatan se koi gharib judaa

— Mohammad Rafi Sauda