suno aao nayaa ik zakhm bakhsho — Zoya Shaikh

hamein us se judaa honaa paDaa thaa
hamaare beach duniyaa aa gai thi

— Zoya Shaikh

khaamushi kaa sabab nahin kuchh bhi
mujh ko bas guftugu se nafrat hai

— Zoya Shaikh

vo miri saadgi pe martaa hai
mujh ko gahnon ki kyaa zarurat hai

— Zoya Shaikh

khuddaar khud-parast hain ziddi balaa ke hain
ham jo gae to lauT ke vaapas na aaeinge

— Zoya Shaikh

phir yuun huaa ki zindagi ik bojh ban gai
ik shakhs mere haath se yak-lakht kho gayaa

— Zoya Shaikh

ishq hai mujh se use yaa ki faqat hamdardi
jab bhi vo chhoD ke jaataa hai palaT aataa hai

— Zoya Shaikh

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

khudaa kare ki tiri umr mein gine jaaein
vo din jo ham ne tire hijr mein guzaare the

— Ahmad Nadeem Qasmi