zindagi se milaa nahin kuchh bhi — Zubair Ahmad Saani

is vaaste muhaal hai ham donon mein nibaah
tu khud-numaa hai main bhi riyaa ke khilaaf huun

— Zubair Ahmad Saani

aaiye shauq se bhaunchaal bapaa kar diije
bazm-e-dil aap ki khaatir hi sajaa rakkhi hai

— Zubair Ahmad Saani

mauzu'-e-guftugu to hai jinsi jamaaliyaat
aur markaz-e-khayaal tumhaaraa hi jism hai

— Zubair Ahmad Saani

chashm-poshi karein mukhlis hain vafaa mein vo agar
kyon mire achchhe-bure par vo nazar rakhte hain

— Zubair Ahmad Saani

tiri maa'sum nigaahon ke taqaddus ke tufail
'ishq tahzib se aaraasta ho jaataa hai

— Zubair Ahmad Saani

roz miltaa hai bulandi kaa nayaa ziina mujhe
roz taklif kai logon ko ho jaati hai

— Zubair Ahmad Saani

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar