kis kaa chehra DhunDaa dhuup aur chhaanv mein — Zulfeqar Ahmad Tabish

ye dar-o-divaar par be-naam se chup-chaap saae
phulon raston aur bachchon ki hifaazat chaahte hain

— Zulfeqar Ahmad Tabish

peDon ki ghani chhaanv aur chait ki hiddat thi
aur aise bhaTakne mein anjaan si lazzat thi

— Zulfeqar Ahmad Tabish

ye naqsh-e-khushnumaa dar-asl naqsh-e-aajizi hai
ki asl-e-husn to andesha-e-bahzaad mein hai

— Zulfeqar Ahmad Tabish

vo saaneha huaa thaa ki bas dil dahal gae!
ik shab mein saare shahr ke chehre badal gae

— Zulfeqar Ahmad Tabish

hamaare shahr mein aane ki surat chaahti hain
havaaein baaryaabi ki ijaazat chaahti hain

— Zulfeqar Ahmad Tabish

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

— Sandeep Gupte