safar ke baad bhi zauq-e-safar na rah jaa.e — Abhishek Shukla

main yuun hi nahin apni hifazat men laga huun
mujh men kahin lagta hai ki rakkha hua tu hai

— Abhishek Shukla

teri ankhon ke liye itni saza kaafi hai
aaj ki raat mujhe khvab men rota hua dekh

— Abhishek Shukla

main ne jab khud ki taraf ghaur se dekha to khula
mujh ko ik mere siva koi pareshani nahin

— Abhishek Shukla

kabhi kabhi to ye vahshat bhi ham pe guzri hai
ki dil ke saath hi dekha hai Dubna shab ka

— Abhishek Shukla

us se kahna ki dhuan dekhne laa.iq hoga
aag pahne hue main ja.unga paani ki taraf

— Abhishek Shukla

main sochta huun bahut zindagi ke baare men
ye zindagi bhi mujhe soch kar na rah jaa.e

— Abhishek Shukla