uTTha jo abr dil ki umangen chamak uThin — Ehsan Danish Kandhlvi

"'ehsan' aisa talkh javab-e-vafa mila ham is ke baa'd phir koi arman na kar sake"

"ham haqiqat hain to taslim na karne ka sabab haan agar harf-e-ghalat hain to miTa do ham ko"

"ba-juz us ke 'ehsan' ko kya samajhiye baharon men khoya hua ik sharabi"

"avval avval jab mujhe jaur-ashna samjha tha main aaj samjha huun jo samjha tha baja samjha tha main"

"ye bhi agar khata hai to be-shak hui khata apna samajh ke tujh ko pukara kabhi kabhi"

"ham chaTanen hain koi ret ke sahil to nahi shauq se shahr-panahon men laga do ham ko"