miTTi men kitne phuul paDe sukhte rahe — Hosh Jaunpuri

bachche khuli faza men kahan tak nikal ga.e
ham log ab bhi qaid isi bam-o-dar men hain

— Hosh Jaunpuri

khuda badal na saka aadmi ko aaj bhi 'hosh'
aur ab tak aadmi ne saikDon khuda badle

— Hosh Jaunpuri

kho ga.i ja ke nazar yuun rukh-e-raushan ke qarib
jaise kho jaati hai beva koi dulhan ke qarib

— Hosh Jaunpuri

jaane kis kis ka gala kaTta pas-e-parda-e-ishq
khul ga.e meri shahadat men sitamgar kitne

— Hosh Jaunpuri

kya sitam karte hain miTTi ke khilaune vaale
raam ko rakkhe hue baiThe hain ravan ke qarib

— Hosh Jaunpuri

divar un ke ghar ki miri dhuup le ga.i
ye baat bhulne men zamana laga mujhe

— Hosh Jaunpuri