aati jaati hai ja-ba-ja badli — Imam Bakhsh Nasikh

khvab hi men nazar aa jaa.e shab-e-hijr kahin
so mujhe hasrat-e-didar ne sone na diya

— Imam Bakhsh Nasikh

vo nazar aata hai mujh ko main nazar aata nahin
khuub karta huun andhere men nazare raat ko

— Imam Bakhsh Nasikh

karti hai mujhe qatl mire yaar ki talvar
talvar ki talvar hai raftar ki raftar

— Imam Bakhsh Nasikh

kis ki holi jashn-e-nau-rozi hai aaj
surkh mai se saqiya dastar rang

— Imam Bakhsh Nasikh

dil siyah hai baal hain sab apne piiri men safed
ghar ke andar hai andhera aur bahar chandni

— Imam Bakhsh Nasikh

furqat-e-yar men insan huun main ya ki sahab
har baras aa ke rula jaati hai barsat mujhe

— Imam Bakhsh Nasikh