ujlat men asman se aage nikal gaya — Irfan Ahmad

zakhm jo tu ne diye tujh ko dikha to duun magar
paas tere bhi nasihat ke siva hai aur kya

— Irfan Ahmad

har lamha mere dhyan men rahta tha ek shakhs
phir yuun hua vo dhyan se aage nikal gaya

— Irfan Ahmad

gham-e-hayat ne bakhshe hain saare sannaTe
kabhi hamare bhi pahlu men dil dhaDakta tha

— Irfan Ahmad

akele paar utar ke bahut hai ranj mujhe
main us ka bojh uTha kar bhi tair sakta tha

— Irfan Ahmad

tark-e-ta.alluqat ki bas intiha na puchh
ab ke to main ne tark kiya apne aap ko

— Irfan Ahmad

nashsha tha zindagi ka sharabon se tez-tar
ham gir paDe to maut uTha le ga.i hamen

— Irfan Ahmad