shaam hote hi bujh gaya 'ajiz' — Laiq Aajiz

qalam uTha.un ki bachchon ki zindagi dekhun
paDa hua hai dorahe pe ab hunar mera

— Laiq Aajiz

dushmanon ko dost bhaa.i ko sitamgar kah diya
log kyuun barham hain kya shishe ko patthar kah diya

— Laiq Aajiz

vo dhuup thi ki zamin jal ke raakh ho jaati
baras ke ab ke baDa kaam kar gaya paani

— Laiq Aajiz

men chahta huun ta'alluq ke darmiyan parda
vo chahta hai mire haal par nazar karna

— Laiq Aajiz

kirnon ko vo bazar men bech aaya hai
shayad ki ka.i din se tha bhuka suraj

— Laiq Aajiz

mujhe to jo bhi mila hai azaab ki surat
miri hayat hai ik tishna khvab ki surat

— Laiq Aajiz