gham-e-hayat ne avara kar diya varna — Majrooh Sultanpuri

aise hans hans ke na dekha karo sab ki janib
log aisi hi adaon pe fida hote hain

— Majrooh Sultanpuri

dekh zindan se pare rang-e-chaman josh-e-bahar
raqs karna hai to phir paanv ki zanjir na dekh

— Majrooh Sultanpuri

koi ham-dam na raha koi sahara na raha
ham kisi ke na rahe koi hamara na raha

— Majrooh Sultanpuri

shab-e-intizar ki kashmakash men na puchh kaise sahar hui
kabhi ik charagh jala diya kabhi ik charagh bujha diya

— Majrooh Sultanpuri

jafa ke zikr pe tum kyuun sambhal ke baiTh ga.e
tumhari baat nahin baat hai zamane ki

— Majrooh Sultanpuri

main akela hi chala tha janib-e-manzil magar
log saath aate ga.e aur karvan banta gaya

— Majrooh Sultanpuri