yak qadam rah-e-dost hai 'da.ud' — Mirza Daood Beg

tujh hijr ki agan kuun bujhane ai sang dil
koi ab-zan-rafiq ba-juz chashm-e-tar nahin

— Mirza Daood Beg

saaf dil ho gar hai tujh kuun khvahish-e-tark-e-hava
ab-e-a.ina upar aata nahin hargiz habab

— Mirza Daood Beg

shisha-e-abru sambhal ai dil
daur ulTa chala hai duniya ka

— Mirza Daood Beg

sun nasihat miri ai zahid-e-khushk
ashk ke aab bin vuzu mat kar

— Mirza Daood Beg

piv bina dil mira udasi hai
gaah jogi hai gaah sanyasi hai

— Mirza Daood Beg

'vali' saani nahin da.ud lekin
ghazal kahta hai har ik ba-talazum

— Mirza Daood Beg