aane vaali ruto sabz rakhna qaba — Nazia Nazi

jaise hiire ki kaan hoti hai
vaise alfaz kaan ke gauhar

— Nazia Nazi

nazar-andaz karna to bahut asan hai lekin
nazar-andaz hone se bahut taklif hoti hai

— Nazia Nazi

un ko mahsus kyon nahin hota
dil taDapta hai itni shiddat se

— Nazia Nazi

pahle apne the ab para.e hain
lafz naraz ho ga.e mujh se

— Nazia Nazi

guzarta ja raha hai vaqt juun juun
rag-e-jan men utarte ja rahe ho

— Nazia Nazi

use kaho ki natija koi na niklega
use kaho ki mohabbat ka imtihan na le

— Nazia Nazi