dekhi thi ek raat tiri zulf khvab men — Raza Azimabadi

ham ko mili hai ishq se ik ah-e-soz-nak
vo bhi usi ki garmi-e-bazar ke liye

— Raza Azimabadi

aisa kisi se junun dast-o-gareban na ho
chak-e-gareban ka bhi chaak gareban kiya

— Raza Azimabadi

jis tarah ham rahe duniya men hain us tarah 'raza'
shaikh but-khane men ka.abe men barahman na raha

— Raza Azimabadi

sau ghamze ke rakhta hai nigahban pas-o-pesh
aata hai akela par akela nahin aata

— Raza Azimabadi

sau iid agar zamane men laa.e falak va-lek
ghar se hamare mah-e-muharram na ja.ega

— Raza Azimabadi

chala hai ka.abe ko but-khane se 'raza' yaaro
kisi ne aisa khuda.i-kharab dekha hai

— Raza Azimabadi