mil-mila ke donon ne dil ko kar diya barbad — Sahir Dehlavi

yuun to har diin men hai sahab-e-iman hona
ham ko ik but ne sikhaya hai musalman hona

— Sahir Dehlavi

va hote hain masti men kharabat ke asrar
rindi mira iman hai masti hai mira farz

— Sahir Dehlavi

pabandi-e-ahkam-e-shari.at hai vahan farz
rindon ko rukh-e-saqi-o-saghar hue makhsus

— Sahir Dehlavi

sher kya hai aah hai ya vaah hai
jis se har dil ki ubhar aati hai choT

— Sahir Dehlavi

naqsh-e-qadam hain raah men farhad-o-qais ke
ai ishq khinch kar mujhe laaya idhar kahan

— Sahir Dehlavi

tha anal-haq lab-e-mansur pe kya aap se aap
tha jo parde men chhupa bol uTha aap se aap

— Sahir Dehlavi