charagari ki baat kisi aur se karo — Shuja Khaavar

kuchh nahin bola to mar ja.ega andar se 'shuja.a'
aur agar bola to phir bahar se maara ja.ega

— Shuja Khaavar

saton aalam sar karne ke baa'd ik din ki chhuTTi le kar
ghar men chiDiyon ke gaane par bachchon ki hairani dekho

— Shuja Khaavar

ghar men bechaini ho to agle safar ki sochna
phir safar nakam ho jaa.e to ghar ki sochna

— Shuja Khaavar

do chaar nahin sainkaDon sher us pe kahe hain
is par bhi vo samjhe na to qadmon pe jhuken kya

— Shuja Khaavar

jo zinda ho use to maar dete hain jahan vaale
jo marna chahta ho us ko zinda chhoD dete hain

— Shuja Khaavar

'shuja.a' maut se pahle zarur ji lena
ye kaam bhuul na jaana baDa zaruri hai

— Shuja Khaavar