bichhaD ga.e to ye dil umr bhar lagega nahin — Umair Najmi

ye saat uTh paDosi kahan se aa.e mire
tumhare dil men to koi na tha siva.e mire

— Umair Najmi

us ki tah se kabhi daryaft kiya ja.unga main
jis samundar men ye sailab ikaTThe honge

— Umair Najmi

nikal laaya huun ek pinjre se ik parinda
ab is parinde ke dil se pinjra nikalna hai

— Umair Najmi

kisi gali men kira.e pe ghar liya us ne
phir us gali men gharon ke kira.e baDhne lage

— Umair Najmi

kitab-e-ishq men har aah ek aayat hai
par ansuon ko huruf-e-muqatti.at samajh

— Umair Najmi

tum pe kya khaak asar hoga mire sheron ka
tum ko to mir-taqi-'mir' nahin khinch saka

— Umair Najmi