nigaah chaahiye bas ahl-e-dil faqiron ki — Anis Dehlavi

chhin liin khushiyaan miri aankhon se meri niind bhi
zindagi tu ne mujhe ab tak diyaa kuchh bhi nahin

— Anis Dehlavi

karnaa hai aap ko jo nae raaston ki khoj
sab jis taraf na jaaein udhar jaanaa chaahiye

— Anis Dehlavi

aap kaa koi safar be-samt be-manzil na ho
zindagi aisi na jiinaa jis kaa mustaqbil na ho

— Anis Dehlavi

aap ki baaton mein aa kar kho diyaa dil kaa sukun
zindagi mein dekhiye meri bachaa kuchh bhi nahin

— Anis Dehlavi

jo dil baandhe vo jaadu jaantaa hai
miraa mahbub urdu jaantaa hai

— Anis Dehlavi

uDaa gae hain bahut dhuul jaane vaale log
chhaTe ghubaar to kuchh raasta nazar aae

— Anis Dehlavi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal