Shayari

hum ko un se wafa ki hai ummeed jo nahin jaante wafa kya hai

patta patta boota boota haal hamara jaane hai jaane na jaane gul hi na jaane, baagh to saara jaane hai

hai Ram ke wujood pe Hindostan ko naaz ahl-e-nazar samajhte hain us ko imam-e-Hind

dil ki veerani ka kya mazkoor hai ye nagar sau martaba loota gaya

Allah bachaye marz-e-ishq se dil ko sunte hain ki ye aariza achha nahin hota

tum hamare kisi tarah na hue warna duniya mein kya nahin hota

duniya ne kis ka raah-e-fana mein diya hai saath tum bhi chale chalo yunhi jab tak chali chale

uzr aane mein bhi hai aur bulaate bhi nahin baais-e-tark-e-mulaqat bataate bhi nahin

har ek baat pe kehte ho tum ki tu kya hai tumhi kaho ki ye andaaz-e-guftagu kya hai

sach keh doon ae brahman, gar tu bura na maane tere sanam-kadon ke but ho gaye puraane

ishq Mir ik bhaari patthar hai kab ye tujh naatavaan se uthta hai

duniya mein hoon, duniya ka talabgaar nahin hoon bazaar se guzra hoon, khareedar nahin hoon

asar us ko zara nahin hota ranj raahat-faza nahin hota

laayi hayaat aaye, qaza le chali chale apni khushi na aaye na apni khushi chale

khoob parda hai ki chilman se lage baithe hain saaf chhupte bhi nahin, saamne aate bhi nahin

hui muddat ki 'Ghalib' mar gaya par yaad aata hai wo har ik baat par kehna ki yun hota to kya hota

sabaq phir padh sadaqat ka, adalat ka, shujaat ka liya jayega tujh se kaam duniya ki imamat ka

yun uthe aah us gali se hum jaise koi jahan se uthta hai

hum aah bhi karte hain to ho jaate hain badnaam wo qatl bhi karte hain to charcha nahin hota

tum mere paas hote ho goya jab koi doosra nahin hota

ab to ghabra ke ye kehte hain ki mar jayenge mar ke bhi chain na paaya to kidhar jayenge

ye masail-e-tasawwuf, ye tera bayaan 'Ghalib' tujhe hum wali samajhte jo na baada-khwaar hota

yaqeen mohkam, amal paiham, mohabbat fateh-e-aalam jihad-e-zindagani mein hain ye mardon ki shamsheeren

dekh to dil ki jaan se uthta hai ye dhuan sa kahan se uthta hai